عزة بهاء عن غيابها عن المهرجانات السينمائية: “عمرك شوفتي عبل
01:00 ص
الجمعة 30 يونيو 2023
كتب- مروان الطيب:
حلت الفنانة عزة بهاء ضيفة على برنامج “قعدة ستات” تقديم الإعلامية مروة صبري والذي يعرض على قناة “القاهرة اليوم”.
وتطرقت “عزة” عن ابتعادها من الوسط الفني مؤخراً وعن عدم حضورها المهرجانات سينمائية قائلة: “أنا ممثلة مش موديل، عمرك شوفتي عبلة كامل في مهرجان وكانوا بيبعتولي دعوات مهرجانات في الأول وبعدين غالباً زهقوا وأنا مبقتش أروح أو أتنسيت ومبيبقاش في عمل ليا بيتعرض أروح أعمل ايه”.
واستكملت: “أنا بعرف أشتغل قدام الكاميرا لكن بره الكاميرا ببقي محتاجة حد يساعدني وعندي مشكلة كبيرة في العلاقات العامة وممكن أجهز وخلاص فاضل دقائق وأنزل وعلى أخر لحظة أقول لأ مش عاوزة أنزل”.
وأوضحت سبب ابتعادها عن الوسط الفني قائلة: “أنا مش شبههم مش شبه الوسط اللي بقي موجود دلوقتي والموضوع اختلف كتير عن بدايتي واشتغلت وقتها مع نجوم كبار زي الأستاذ عادل إمام والأستاذ سمير غانم وأول مسلسل ليا كان مع الفنانة سناء جميل مع ناس عظماء وفضل الموضوع يقل وبيتعرض عليا حاجات مش مناسبة ومتستهلش أني أنزل من البيت”.
برنامج “قعدة ستات” تقدمه مروة صبري على شاشة “القاهرة اليوم” يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.
يذكر أن آخر مشاركات الفنانة عزة بهاء الفنية كانت بمسلسل “إلا أنا” عام 2020.
