08:12 م
السبت 12 أبريل 2025
كتب- أحمد الضبع:
فاجأ الفنان حسام حبيب جمهوره على “إنستجرام” بنشر صورة لفتاة تدعى سارة، وتقيم في الأردن، بعد أيام من تداول أنباء عن ارتباطه بفتاة من خارج الوسط الفني.
وكانت الإعلامية الكويتية مي العيدان قد سبقت حبيب في الكشف عن هوية الفتاة التي زعمت أنها خطيبته، إذ نشرت صورة لها عبر حسابها الرسمي، معلقة بعبارة أثارت جدلاً واسعًا، قالت فيها: «ألف ألف مبروك».
حسام حبيب ينفي شائعة ارتباطه بعارضة الأزياء الأردنية سارة
ونفى الفنان حسام حبيب ما تردد عن شائعة خطوبته وارتباطه بشكل رسمي من عارضة أزياء أردنية تدعى سارة.
وقال “حبيب” في تصريحات صحفية: “الموضوع ما وصلش خالص للخطوبة نهائي، هما سبقوا الأحداث وخلّوا الموضوع يتعقّد بدل ما يحصل فيه خير. يعني اللي حصل ده، مش عارف أقولهم إيه بصراحة، وأصلاً الحاجة اللي بيتكلموا عنها عمرها ما وصلت لربع اللي بيتقال، ومش عارف الناس عايزين إيه مني بجد، على طول الناس بتخربلي حياتي”.
وأضاف: “إن كان في حاجة، هما كده بوّظوها، لأن أهل البنت ليهم عاداتهم وتقاليدهم، وناس محترمين جدًا جدًا. زيّ ما إحنا زمان كان لينا عاداتنا وتقاليدنا، وكنا بنحترم يعني إيه بنت، مش عارف إيه اللي حصل للمصريين؟ النخوة اللي كانت عندنا راحت فين”.
واستكمل: “يعني مش عارف الناس بقت بتتكلم في أي حاجة لمجرد التريند وتحقيق المشاهدات بس، وييجوا يقولوا: حسام هو اللي بيدوّر على اللقطة فين اللقطة اللي بدوّر عليها؟ إنتو اللي بتدوروا ورايا أهو”.
واستطرد: “ابعدوا عن حياتي بقى، أنا مش عارف إيه ده! إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث. دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟”.
وتابع: “أنا مش عايز حد يتكلم عني، ولا الناس كلها تتكلم عني، أنا طلعت مع بسمة وهبة وقلت إن الجمهور بقى آخر همي، عشان أوصل رسالة إني مش عايز تريند، هو في فنان بيقول كده؟ هما وصلوني لكده، وكل شوية يطلعوا يقولوا إن حسام حبيب صرّح، أنا صرّحت فين؟ أنا ما قلتش حاجة لحد نهائي! وبعدين بيقولوا إن علاقتي بالبنت دي من سنين! هي أصلاً البنت عندها كام سنة عشان يتقال كده، واللي جاي بقى هيبقى وحش، وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس”.
واختتم: “أنا هشوف مين اللي كتب الكلام ده على لساني وهحبسه، لأني ما قلتش لأي حد، وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى!”.
من هي عارضة الأزياء الأردنية سارة؟
وبحسب المعلومات المتداولة، فإن سارة تحمل الجنسية الأردنية، وتعمل عارضة أزياء ومدونة على مواقع التواصل الاجتماعي، دون أن يكون لها أي نشاط فني.
ولدت سارة عام 2000 وتبلغ من العمر 25 عامًا، وتهتم بنشر إطلالات مختلفة بأزياء عصرية عبر حساباتها على منصات التواصل الاجتماعي.
وتشير منشورات سارة عبر حساباتها إلى تفاعل حبيب مع محتواها بشكل لافت، حيث يُظهر دعمه لها بتعليقات رومانسية علنية، ما عزز من شائعات ارتباطهما قبل نفيه بشكل رسمي.
ورغم أنها أردنية إلا أنّها تظهر في العديد من البلدان الأوربية مثل فرنسا، كما زارت مصر والتقطت بعض الصور بجوار برج القاهرة.
