“غلطتي بشرفي ومش هسامح في حق أمي”.. تفاصيل أزمة إيمي تاتو وش
09:55 م
الخميس 10 أكتوبر 2024
كتب- مروان الطيب:
هاجمت خبيرة التجميل إيمي تاتو، الفنانة شمس بعد تداول رواد مواقع التواصل الاجتماعي مقطع فيديو للأخيرة، تشير خلاله لوقوع خلاف بينهما.
وأطلت الفنانة شمس على متابعيها من خلال بث مباشر قامت خلاله بمهاجمة خبيرة التجميل إيمي تاتو، وأشارت الأخيرة إلى أنها رفضت التعامل معها في مركز التجميل الخاص بها.
ونشرت إيمي تاتو مقطع فيديو عبر صفحتها الرسمية على “فيسبوك”، قامت خلاله بالرد على الفنانة شمس واستنكرت كل ما قالته في حقها، وأكدت على رفع دعوى قضائية ضدها وعدم تنازلها عن الحصول على حقها وحق والدتها التي تعرضت للسب أيضا، وعلقت: “ولو أنا سامحت في حقي إنك غلطتي في شرفي وفي شرف ابني مش هسامح عن غلطك في أمي”.
وعن اتهام الفنانة شمس لها بتأجير أشخاص للاعتداء عليها قالت: “هعمل كده ليه؟، هاخد منها دور أو خدت مني دور؟، واللي شفناه مش ملامح شمس اللي بنشوفها بيه إطلاقًا، وأنا طلعت أرد بس لأنها غلطت في أمي وابني وممكن أقدم شكوى في نقابة المهن التمثيلية ده لو هي عضوة أصلًا في النقابة، وبرضه أنا مكبرة دماغي ومش هدي للموضوع أكبر من حجمه إلا في حتة الشتيمة، واللي يفصل بيني وبينها القانون”.
واستكملت: “الموضوع ده من سنة، ولقائي أنا وهي في النيابة، وفيه ناس تانية طلعت وشتمت وقالوا كلام مالوش لازمة واللي بيشتم فيا الله كريم عادي مش فارقة معايا، لكن أنا هجيب حق ماما وهجيب حق ابني لما يتفرج ويشوف إن أمه بتتشتم، وكان سهل أوي أنزل فيديوهات كاميرات المراقبة وأوريكي انتي كنتي جايالي إزاي، وكان موضوع وعدى وكبرت دماغي”.
مضيفة: “اوعى تفتكري عشان طلعتي في بث مباشر مفيش رقيب فيه دولة قانون، واللي اتعاملوا معايا عن قرب عارفين أنا إيه؟، وبحب الناس قد إيه، واللي قهرني وحرق دمي انتي تشتمي في الشرف ليه؟، لكن انتي لما تسبي فيا وفي أمي من لا شيء وبعد سنة وانتي اللي غلطانة”.
يذكر أن أخر أعمال شمس مسلسل “بأثر رجعي” الذي عرض عام 2022، وخاض بطولته مي سليم ومحمد عز وتوني ماهر وهالة فاخر وهاجر الشرنوبي ومن إخراج معتز حسام.
اقرأ أيضا:
توو ليت يكشف سر رفضه الكشف عن هويته
بعد واقعة التحرش وصدور حكم لصالحها.. هلا السعيد تتصدر تريند جوجل
