03:58 م
الأربعاء 16 أكتوبر 2024
كتبت- نوران أسامة:
كشفت الفنانة عفاف مصطفى عن عدم مشاركتها في الأعمال الفينة وموسم رمضان 2025، وذلك خلال لقائها مع الإعلامية مروة صبري في برنامج “قعدة ستات”.
وقالت عفاف: “جرت العادة إني أنتظر رمضان من الموسم للموسم زي باقي زملائي الممثلين، ده غير الأوف سيزون، أنا كل سنة في الأوف سيزون أشتغل ما لا يقل عن عملين أو ثلاثة، بالإضافة إلى فيلم أو فيلمين، وبقالي 6 أو 7 شهور في الأوف سيزون مفيش حاجة ظهرت ولا حد خبط على بابي نهائي أو إداني رنة تليفون، والحاجات دي بتواريخ يعني”.
وأضافت: “شهر رمضان بدأت التحضيرات ولقيت محدش بيقولي إنتي فين إيه اللي جد عليا كنت متعودة أعمل 4 أو 5 أعمال وساعات 7 وفي 2012 عملت 12 مسلسل، إيه الجديد الإنسان لازم يحس إنه موجود وفيه غموض أنا مش فاهماه”.
وتابعت: “أنا طول الوقت في تواصل مع المخرجين والمنتجين والمنتجين الفنيين، وأكترهم بيحبوا يتعاملوا معايا لأني مش ببالغ في الأجر، فبيقولولي إنتي طيبة من أول مرة بتوافقي على الأجر، لكن أنا بحس إن الأجر مناسب لإني عايزة أشتغل واللي أنا مش هرضى بيه غيري هيرضى بيه”.
وعن رفضها لدور في مسلسل “أعلى نسبة مشاهدة”، قالت: “المخرجة ياسمين أحمد كامل عرضت عليا، بس كان مشهدين تلاتة، والعمل اللي مبشتغلش فيه مبتفرجش عليه عشان بزعل”.
يذكر أن الفنانة عفاف مصطفى أثارت الجدل قبل أسابيع، عقب شكواها من عدم مشاركتها في المسلسلات المقرر عرضها في رمضان المقبل
اقرأيضًا:
عفاف مصطفى عن سماح أنور: “كانت جارتي وبتشوفني ماتسلمش عليا”
بعد تعرضها لموقف محرج من نيكول كيدمان.. سلمى حايك تتصدر تريند جوجل
“غادر السينما بعد 20 دقيقة”.. ناقد أمريكي ينتقد الجزء الثاني من الجوكر
بالفيديو.. محمد الكيلاني يكشف سبب منعه من الغناء لمدة 10 سنوات
