10:42 ص
الجمعة 21 فبراير 2025
كتب – محمد القرش:
روى اللاعب السابق للأهلي والزمالك، رضا عبد العال، أصعب موقف تعرض له في مباريات القمة التي خاضها عبر تاريخه.
وقال عبد العال في تصريحات عبر برنامج “البريمو”: “في مرة حد حط اسمي في محضر بالعند في خالي، ومأمور القسم قالهم روحوا هاتوه عشان ماتش الأهلي والزمالك بكرة”.
وأضاف: “وقفل عليا الأوضة من الساعة 4 لحد 9.30، لولا رئيس المباحث في التوقيت ده انا مكنتش هلعب المباراة، بعد ما اتمنع عني كل الاتصالات ومحدش كان عارف أنا فين”.
وأوضح: “مشيت بعد ما عرف رئيس المباحث إني موجود، ودخلي قالي انت بتعمل ايه هنا مش عندك ماتش بكرة، ولما عرف أن اسمي في محضر قالي اعمل اتصالات”.
وواصل: “اتصلت بالنادي محدش بيرد لأن كلهم راحوا على المعسكر، جت عليا الساعة 2 وأنا في القسم، كان فيه مشجع زملكاوي حاضر التمرين اللي قبل المعسكر من المنقطة عندنا، وهو معدي من جنب القسم عرف إني جوا لما سأل عن سبب الزحمة”.
واختتم: “المشجع راح قال لكابتن فاروق جعفر في الهيئة الهندسية، وجالي وقعد مع المأمور لحد ما وصلوا إني اخرج العب الماتش وارجع تاني بعد كدا، وخرجت الساعة 5 الفجر روحت نمت على طول”.
اقرأ أيضًا:
على طريقة ميسي.. محمد صلاح يحقق رقما قياسيا تاريخيا
“منافسة زوجها في الملعب والتوقيع قبل غلق القيد بساعة” .. قصة لاعبة بيراميدز هايدي جابر – حوار
